Categoría: oñeporandumeméva

Umi ñe’ẽky ojeporúva temiporandurã: -piko/- pa/-tepa/-pipo/-tiko, ojehaívo ojoajuva’erã ñe’ẽpy rehe. Guaraníme ndojeporúi temiporandu rechaukaha ñe’ẽjoaju omba’eporandúvape.

Tembiecharã:

– Mba’érepiko ndoúi nde ryvy.

– Moõpa pehóta ko’ẽrõ.

– Mba’éichatepa ojehu ko’ã mba’e

Ojehai muanduhe pu’ae ipu hatãvéva ári, kóva noĩriramo ñe’ẽ opahápe.

Tembiecharã:

Ára.

Sapukái.

Ñe’ẽriregua ipehẽteĩva ojehaívo oñembojoajuva’erã ñe’ẽ hapykuépe opytáva rehe: pe (me), gua, gui, re, ỹ, guy, ndi.

Tembiecharã:

Paraguarípe

Santaníme

Paraguaygua

Paraguaýgui

Mávare

Yvyraguy

Mávandi

• Ñe’ẽ oñepyrũva Rr (rre)-gui, ojehaítaramo toñemotenonde ijehai “r” (re) rupive.

Tembiecharã:

Rosa: Oime ipoty che rósa iporãvéva.

Réi: Karai réi vy’apópe oikove.

• Ñe’ẽ mbytépe opytáramo katu ojehaiva’erã pundiekõicha.

Tembiecharã:

Farra: Jaha farrahápe.

Karrétilla: Jagueroja yvyku’i ko karretíllape.

Umi ñe’ẽpy ha ñe’ẽky oje’e jo’áva ojehaiva’erã peteĩ ñe’ẽmente ha ojoajuva’erã ojuehe.

Tembiecharã:

Ouou

Jaguerugueru

Peteĩteĩ

Guasuguasu

Ohaigua’ugua’u

Oujeyjey